Bucarest na narrativa de Mircea Cărtărescu.

Bucarest na narrativa de Mircea Cărtărescu: lecturas dunha cidade comprende unha serie de estudos relacionados coa reescritura da cidade de Bucarest na narrativa dun dos autores actuais máis recoñecidos no seu país e, cada vez máis, tamén fóra das súas fronteiras. Algúns dos capítulos recalan, ademais, noutros escritores e algunhas das súas novelas co obxectivo de ampliar, e de contrastar, a versión que este autor ofrece sobre períodos e acontecementos históricos de máxima relevancia, que están en estreita vinculación coa cidade e, en consecuencia, coa súa recreación literaria, pois inflúen en gran medida tanto na configuración urbana canto na vida no seu interior.