Cinco estudos sobre interpretación xurisprudencial romana

O estudo e análise do fundamento e motivación dalgunhas solucións achegadas polos xuristas romanos (interpretatio prudentium) para determinados supostos prácticos conflitivos, nalgúns dos cales se teñen apreciado discrepancias xurisprudenciais (ius controversum) respecto a ditas solucións de que nos informan os textos xurídicos —especialmente no Digesto de Xustiniano—, veu sendo obxecto da nosa atención e interese. Neste libro, que presenta o prestixioso Catedrático de Dereito romano da Universidade de Catania, Giovanni Nicosia, recóllense cinco traballos, de variada temática, partindo da consideración de Dereito romano como Dereito xurisprudencial no período clásico e da idoneidade e interese especial que para a Ciencia xurídica pode ofrecer nos nosos días o seu estudo desde esta perspectiva.