Curar doenzas con bichos e con aves.

Medicina popular na alta Idade Media.

O obxectivo da serie Medica ut noscantur é divulgativo, sen menoscabo do irrenunciable rigor científico. Trátase de poñer ao alcance dun lector curioso saberes e coñecementos médicos da Antigüidade que adoitan quedar á marxe dos circuítos de difusión masiva. Cada volume, de extensión limitada, comprenderá un grupo de textos presentativo dun problema ou dun aspecto puntual da medicina antiga. Os textos estarán acompañados de tradución, dunha presentación mínima e dunha bibliografía básica. As notas serán só as imprescindibles para contextualizar ou para explicar un punto que puidese dificultar ao lector.