Xeometrías básicas e formas arquitectónicas. Representacións e modelos.

Esta obra destaca sobre outras similares pola súa minuciosa descomposición das fases para a resolución dos problemas que vai propoñendo e opta por insistir en detallar as etapas que se poden utilizar para resolver as construcións gráficas correspondentes.
Recolle unha serie de exemplos seleccionados en función da súa gran relevancia para o pleno dominio da profesión, xa que abrangue as principais superficies poliédricas e curvas, sen esquecer a representación de superficies de difícil ou imposible definición xeométrica como poden ser os terreos, base indispensable de calquera proxecto arquitectónico.