Infect-Arte. A infección na Arte.

A enfermidade ten sido, e é, un tema de inspiración artística nas máis diversas épocas históricas e nas máis dispares culturas. Atópanse numerosos exemplos de obras con trasfondo infeccioso en épocas tan distantes como o Antigo Exipto ou a Grecia Clásica e a actualidade.

Mediante a selección dun pequeno grupo de obras percorreremos a representación artística dalgunhas das enfermidades infecciosas máis importantes que azoutaron a humanidade ao longo da súa historia.

Agardamos que este libro sexa un agradable entretemento para lectores curiosos e sirva para axudalos a recoñecer as manifestacións da enfermidade infecciosa plasmadas polos artistas nas súas obras ao longo da historia.