A Catedral da Arquitectura. Volume 1 e 2 + Planos

Esta publicación recolle os textos daqueles autores que tomaron parte na restauración da Catedral de Santiago de Compostela ao longo da importante campaña transcorrida entre os anos 2010 e 2021. Para o seu pertinente estudo, e a modo de introdución, preséntanse tamén, á súa vez, as reflexións do grupo de traballo da Casa da Fábrica; desempeñando este un notable labor á fronte da coordinación das diferentes fases do proxecto, así como da execución da práctica totalidade das obras levadas a cabo no edificio.