A Cruz Vermella en Compostela. Historia da asemblea de Santiago

Así comeza a descoñecida historia da benéfica institución na nosa cidade que, con todo, contempla algúns fitos de nivel nacional. O primeiro deles, a inauguración dun sanatorio tres meses despois da fundación. Anos despois seguíronlle unha escola de enfermeiras ou un corpo de bombeiros entre outras moitas iniciativas singulares ata alcanzar os 125 anos de servizo que agora se cumpren.

Polas filas da Cruz Vermella de Santiago pasaron personalidades como Barcia Caballero, Ángel e Ramón Baltar, Puente Castro, Gil Casares, Fernández Albor, Chocha Bescansa ou Carro Otero. A eles sumáronse outros moitos voluntarios que, caladamente, dedicaron o seu tempo e esforzo a axudar aos demais.