A expansión do xénero negro

A través dun enfoque multidisciplinar que acolle todo tipo de metodoloxías, os artigos que integran "A expansión do xénero negro" aproxímanse desde un punto de vista académico ás diferentes manifestacións nas que se desenvolveu a ficción criminal: literatura, cinema, cómic, series de televisión e videoxogos. Combinando repaso diacrónicos con análises teóricas, perspectivas comparatistas con estudos de caso, olladas panorámicas con propostas taxonómicas, o volume trata de establecer o actual estado da cuestión dun dos máis frutíferos xéneros narrativos da historia contemporánea.