Ópera e Zarzuela en Santiago de Compostela.

Tomando como base os carteis das funcións, as listaxes de integrantes das compañías, así como as críticas e comentarios publicados na prensa da época, conseguiuse reconstruír minuciosamente as obras postas en escena, os repertorios interpretados e os artistas que pasaron por este teatro. Analizando as diversas programacións musicais e teatrais veranse as diversas liñas —musicais, laborais, sociolóxicas e estéticas— que converxeron no teatro máis importante da cidade. Tamén expón como a programación influíu na transformación do gusto do público e da demanda nunha cidade en permanente evolución, así como os problemas ou conflitos que tiveron lugar con obras postas en escena ou coas compañías e artistas que desenvolveron os seus labores no seu escenario.