Partidos políticos e control do poder público

A súa primeira parte leva por título "Partidos políticos, financiamento e corrupción", e nela resúmense varios anos de traballo dun equipo de constitucionalistas da Universidade de Santiago de Compostela encabezado polo profesor Roberto Blanco Valdés. Na segunda parte, "A Xurisdición Contencioso-administrativa tras dúas décadas de vixencia da Lei 29/1998", atópanse achegas e valoracións críticas de destacados administrativistas e profesionais do Dereito de toda España cunha ampla experiencia académica e práctica no contexto do control xudicial das Administracións Públicas.