Pedagoxía das artes. A perspectiva mesoaxiolóxica

Para responder a esa pregunta, hai que xustificar por que as artes son educativas e educan; hai que valorar as artes como educativas e ver en que medida cumpren os criterios que determinan o significado de educación. Esa é a pregunta desde a Pedagoxía, non por mellorar o noso modo de coñecer, nin por mellorar o noso modo de ensinar, senón a pregunta pola educación mesma das artes. A diferenza específica da función de educar non a outorga a cantidade e calidade da materia propia da área de experiencia cultural que utilizamos como recurso na instrución, senón o seu axuste ao significado de educación e a transformación da área cultural instrutiva en ámbito de educación que se integra no deseño educativo, buscando sempre a concordancia de valores e sentimentos en cada intervención, para lograr o paso do coñecemento á acción.