Teoría Política

Este libro trata da actividade política, o poder, o dereito e a comunidade política (chámese "estado" ou non); isto é, temas que xa preocuparon a Aristóteles e Platón, e preocupan hoxe ao máis novidoso experimento político, a Unión Europea, e presumiblemente preocuparán mañá a quen ocupe o escenario da historia.

É un libro que pode ser lido por calquera porque é pouco escolástico (non segue unha escola determinada; usa os mínimos tecnicismos) e por basearse no sentido común e nas experiencias que nos ofrece a historia.